Tetun 
Segunda-feira, loron 2 Marsu 2026, iha Salaun Nobre, Ministério dos Negócios Estrangeiros e Kooperação (MNEK), Dili, realiza ona Workshop kona-ba Information Session on the ASEAN Digital Economy Framework Agreement (DEFA) for Timor-Leste.
Workshop ne’e realiza husi Asean ne’ebe ho naran Mr. Jo And Mr. Patrick
Workshop ne’e tuir hosi IQTL, I.P., liu husi Membru Konsellu Vogal III, Departamento Kualifikasaun Assuntu Internasional, Sr. Tolentino Mariano Fraga Guterres, hamutuk ho Kargu Chefias DQAI no Chefe Seksaun, Departamentu Standarizasaun, Inklui Mos Asessor Tekniku.
Serimónia ne’e abertura husi Vice-Ministru Komérsiu no Indústria, Sr. Agustu Júnior Trindade, ne’ebé hato’o liafuan kona-ba importánsia ekonomia dijitál no preparasaun Timor-Leste iha kuadru Association of Southeast Asian Nations (ASEAN).
Iha abertura serimónia, Vice-Ministru hateten katak dezenvolvimentu ekonomia dijitál sai hanesan pilar importante ba kresimentu ekonomia nasional no kompetitividade rejionál. Nia subliña katak ASEAN Digital Economy Framework Agreement (DEFA) mak plataforma estratéjika hodi hametin kooperasaun iha área komérsiu eletróniku, inovasaun dijitál, proteksaun dadus no fasilitasaun investimentu.
Objetivu hosi workshop ne’e fó informasaun detalladu kona-ba estrutura no elementu prinsipál DEFA.
Hasa’e kapasidade no komprensaun téknika ba funsionáriu no lideransa instituisaun relevante sira.
Identifika benefísiu, oportunidade no dezafiu sira ba Timor-Leste iha prosesu integrasaun ekonomia dijitál ASEAN.
Reforsa koordenasaun no preparasaun institusionál hodi responde ba rekizitu no padraun rejionál.
Iha workshop, DEFA bele sai hanesan instrumentu importante hodi promove kresimentu ekonomia dijitál, aumenta konektividade no atrai investimentu estranjeiru.
Rekomenda atu kontinua halo estudu aprofundu, formasaun téknika no diskusaun inter-institusionál hodi garante preparasaun regulatóriu no institusionál ne’ebé di’ak antes implementasaun.
Workshop ne’e termina ho kompromisu atu hametin servisu hamutuk entre instituisaun relevante sira ba dezenvolvimentu ekonomia dijitál sustentável no inkluzivu ba Timor-Leste.
