Artigu 19.º

Departamentu Kualifikasaun no Assuntu Internasional sira

Departamentu kualifikasaun no Asuntu Internasional sira, ho habadak hanaran DKAI, mak organizmu ne’ebe kompostu husi atividade sira hanesan Akreditasaun, Sertifikasaun no rekoñesementu ba kompetensia sira seluk no avaliasaun ba konformidade iha ámbitu sistema nasional kualidade, no intervein mos iha projetu sira husi kooperasaun internasional, liu-liu komunidade rejional sira, CPLP no ASEAN.

1.    Responsavel departamentu ba kualifikasaun no assuntu internasionais :

a.    Promove dinamizasaun kona-ba subsistema ba kualifikasaun;

b.    Atu promove no dinamiza sorumutuk setorial sira no estrutura sira seluk ho kualidade iha perspetiva integrada husi komponente sira iha subsistema;

c.  Promove no suporta inisiativa ho objetivu atu sukat kualidade produtu no servisu ne'ebé disponivel iha merkadu Nasionál liu husi satisfasaun kliente;

d. Organiza no halo dokumentasaun no informasaun ne'ebé disponivel ba ajente ekonómiku sira, entidade interesadu sira, servisu públiku Jerál no internu iha ámbitu IQTL.IP no garante jestaun biblioteka nian;

e.    Garante promosaun no diseminasaun kualidade, konseitu asosiadu ho nia liu husi organizasaun ka partisipasaun iha semináriu, kongresu, feira, espozisaun no eventu ka atividade sira seluk ne'ebé hanesan;

f.      Maneja IQTL.IP identifika marka, asegura sira-nia publikasaun, no mós diseminasaun entidade kualifikadu, produtu no sistema sertifika;

g.    Avansa  hodi fó asaun formasaun nian iha área kualidade no konseitu sira ne'ebé relasiona ho ida-ne'e, dezenvolve asaun hirak ne'ebé nesesáriu ba ninia realizasaun;

h. Dezeña, dezenvolve no implementa eskema akreditasaun hodi jere sektor akreditasaun Nasionál;

i.      Rekoñese kompeténsia téknika sira husi órgaun avaliasaun konformidade sira, liuliu, laboratóriu sira, órgaun inspesaun no órgaun sertifikasaun sira;

j. Atu reprezenta Timor-Leste iha estrutura rejionál no internasionál, liu-liu iha Kooperasaun Internasionál Ba Akreditasaun Laboratorio (ILAC) no Forum Internasionál Ba Akreditasaun (IAF);

k. Partisipa iha selebrasaun no ezekusaun akordu rekoñesimentu rejionál ka internasionál ba mutual entre órgaun akreditasaun;

l. Propoin ba medida Governu nian ne'ebé haree hanesan relevante kona-ba akreditasaun no avaliasaun konformidade, liuliu estabelesimentu no operasaun akordu rekoñesimentu mutua, ho objetivu atu apoia relasaun ekonómika iha Timor-Leste no merkadu sira iha ne'ebé tranzasaun komersiál sira hala'o;

2.    Departamentu Kualifikasaun no assuntu internasionais nia xefe seksaun:

a.    Seksaun/unidade kualifikasaun ba assuntu internasional

b.    Seksaun/unidade ba sertifikasaun nian

c.     Seksaun/unidade ba akreditasaun.